د مهاجرینو چارو په وزارت کې د همکارۍ دوه هوکړه لیکونه لاسلیک شول
د مهاجرینو او راستنېدونکو چارو وزارت او د اړمنو افغانانو د روښانه راتلونکي او د ټولنې لپاره د ځوانانو موسسو ترمنځ د همکارۍ دوه هوکړه لیکونه لاسلیک شول.
د دې هوکړه ليکونو پر بنسټ د اړمنو افغانانو لپاره د روښانه راتلونکي موسسه د ٤٥زره امريکايي ډالرو په لګښت په ننګرهار ولايت کې ٥٠ کورنيو ته د خياطۍ او ګلدوزۍ اړوند د حرفوي زده کړو په برابرولو کې مرسته کوي.
او د ټولنې لپاره د ځوانانو موسسه د لس زره امريکايي ډالرو په لګښت د شپږو خوراکي توکو د وېش لړۍ پيلوي، چې په ننګرهار ولايت کې به ۵۰ کورنۍ ترې ګټه واخلي.
دا هوکړه ليکونه د دغه وزارت د مسلکي مرستیال مولوي عبدالرحمن راشد او د يادو دوو بنسټونو د استازو له خوا لاسليک شول.
