د مهاجرینو چارو وزیر په خپل سفر کې خوست ته لاړ او د دغه ولایت د مهاجرینو ریاست یې وکوت
د مهاجرینو او راستنېدونکو چارو وزیر په خپل سفر کې خوست ولایت ته لاړ او د خوست د مهاجرینو چارو ریاست لیدنه یې وکړه.
ښاغلي حقاني په دې لیدنه کې د دغه ریاست له رییس او کارکوونکو سره ولیدل او بې ځایه شویو او راستنېدونکو ته د خدمتونو ترسراوی یې خپل کاري لومړیتوب وباله. نوموړي همدا راز د شریعت د اصولو او قواعدو پر پابندۍ، په دندو کې پر اخلاص او روڼتیا او پر نیک چلند ټینګار وکړ.
د خوست ولایت د مهاجرینو او راستنېدونکو چارو رییس شیخ امان الله د مهاجرینو چارو وزیر ته ښه راغلاست ووایه او د دغې ادارې د کارونو په اړه یې له ښاغلي وزیر سره معلومات شریک کړل.
هغه دغه راز ښاغلي حقاني ته د غوره خدمتونو د وړاندې کولو او د چارو د ښه والي په برخه کې د همکارۍ ډاډ هم ورکړ.
