د مهاجرینو چارو وزیر خوست ولایت ته سفر وکړ
د مهاجرینو او راستنېدونکو چارو وزیر الحاج خلیل الرحمان حقاني د خوست ولایت د مهاجرینو چارو ریاست د کارونو د ارزونې په موخه دغه ولایت ته سفر وکړ
نوموړي په خوست ولایت کې نږدې ۹۰۰ سوه بېوزله کورنیو ته د چین هیواد بشري مرستې هم پخپل لاس وویشلې
ښاغلي حقاني وویل مونږ هڅه کوو هغه سیمو ته چې د تېر شل کلن اشغال پرمهال ډېرې ځپل شوي؛ مرستې ورسوو او ټولو ولسوالیو او لرې پرتو سیمو ته مو مواد لیږلي دي، هڅه کوو چې نور هم ولیږو
هغه زیاته کړه، چې دغه بشري مرستې د غریبو او بېوزلو لپاره دي، شتمنو ته اخستل یې له شرعي پلوه ناروا دي او مونږ هیچاته اجازه نه ورکوو، چې د بېوزلو حق وخوري
