د مهاجرینو چارو وزارت مسلکي مرستیال د بغلان له والي سره وکتل
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد بغلان ته په خپل سفر کې د دغه ولایت والي عبدالرحمن حقاني سره لیدنه وکړه.
په دې لیدنه کې د ستونزو د له منځه وړلو، د مهاجرینو د ښارګوټو د غصب او حقدارو ته یې پر وېشلو خبرې وشوې.
د بغلان والي مهاجرینو ته د مهاجرینو وزارت د کړنو ستاینه وکړه او دې وزارت ته یې د خپلې او د مهاجرینو ریاست د همکارۍ ډاډ ورکړ.
د یو بل خبر له مخې د وزارت مسلکي مرستیال مولوي عبدالرحمن راشد د بغلان ولسوالۍ په مصلحت تپه کې د راستنېدونکو سولې ښارګوټي د ښوونځي لیدنه وکړه.
دا ښوونځی په یو نیم جریب ځمکه کې د ملګرو ملتو عالي کمېشنرۍ په همکارۍ جوړ شوی دی، چې اته درسي ټولګي، په سولري سیستم سنباله ژوره څاه، شنه فضا، د ماشومانو د لامبو وسایل، تشنابونه او د ساتونکو خونه لري او ډېر ژر به ګټې اخیستنې ته وسپارل شي.
