د مهاجرینو چارو سرپرست وزیر د وزارت له شُعبو څخه لیدنه وکړه
د مهاجرینو او راستنېدونکو چارو وزارت سرپرست الحاج خلیل الرحمن حقاني د کب میاشتې ۱۷ مه نېټه د وزارت له شُعبو څخه لیدنه وکړه.
ښاغلي حقاني د کارمندانو کړنې او شته اسانتیاوې ولیدې، د هغوی ستونزې یې واورېدې او د حل په موخه یې اړوندو مسولینو ته سپارښتنه وکړه.
نوموړي کارکوونکو ته یادونه وکړه، چې صورت او سیرت له شرعي احکامو سره برابر کړي او هغه څه چې تاسې ته د دندې او مسولیت په توګه در سپارل کېږي، باید په راڼه ډول او پر خپل وخت ترسره شي او د وخت له ضایع کېدا څخه ډډه وشي.
