د مهاجرینو چارو سرپرست وزیر د هرات، اسلام قلعه له صفري نقطې لیدنه وکړه
د مهاجرینو او راستنېدونکو چارو سرپرست الحاج خلیل الرحمان حقاني هرات ولایت ته د کاري سفر پرمهال د اسلام قلعه بندر او د مهاجرینو له سرحدي امریت څخه په داسې حال کې لیدنه وکړه، چې د راستنېدونکو عالي کمیسیون رئیس، د هرات د مهاجرینو رئیس او یو شمېر نورو چارواکو یې ملتیا کوله
ښاغلي حقاني ددغه پولې اړوند له مسؤلینو سره خبرې وکړې او د راستنېدونکو مهاجرینو په اړه یې هراړخيز معلومات ترلاسه کړل
ښاغلي حقاني د کارونو په چټکتیا ټینګار وکړ او د مهاجرینو د تثبیت، استقبال او خدماتو په اړه یې لازمې سپارښتنې وکړې
