د مهاجرینو وزارت حقوقي ملاتړ رییس د کابل په هوايي ډګر کې د ترکیې هېواد څخه د ښه راغلاست، د راستنو شویو د ثبت له بروسې لیدنه وکړه.
د مهاجرینو وزارت د حقوقي ملاتړ رییس الحاج غلام نبي الله دادخیل ستانکزي په کابل هوايي ډګر کې له ترکیې څخه د راستنو شویو کسانو د ښه راغلاست، راستنو شویو د ثبت او بررسۍ له پروسې لیدنه وکړه.
په دغه لیدنه کې چې د هوکړه لیکونو د تعقیب امر حفیظ الله حیدري یې هم ملتیا کوله، د دې لیدنې موخه په کابل هوايي ډګر کې د یاد وزارت د حقوقي ملاتړ ریاست د کارکوونکو له فعالیتونو څارنه وه.
ښاغلي ستانکزي له ټولو برخو لیدنه وکړه او مسوولینو ته یې لازمې سپارښتنې وکړې.
نوموړي ټولو راستنو شویو سره مختصرې خبرې وکړې او همداراز یې ورته لازمې لارښوونې وکړې.
ښاغلي رییس له مسوولینو وغوښتل چې د دندې پر وخت له صداقت او ایماندارۍ کار واخلي او له راستنو شویو سره نیک چلن وکړي.
