د مهاجرینو او راستنېدونکو چارو وزارت اونیزه اداري ناسته وشوه
د مهاجرینو او راستنېدونکو چارو وزارت اونیزه اداري ناسته د وزارت د مالي او اداري مرستیال شیخ کلیم الرحمان فاني په مشرۍ او د مسلکي مرستیال مولوي عبدالرحمان راشد په شتون کې وشوه.
په دې ناسته کې له اجنډا سره سم د تېرو پرېکړو له تعقیب وروسته په ایران کې د مهاجرینو پر وضعیت، د راستنېدنې پروسې، غزني کې د البیروني ښارګوټي پر ستونزو، کونړ ولایت کې د بېځایه شویو کورنیو، له کابل څخه د (٥٠٠٠) بېځایه شویو کورنیو انتقال او د ځینو نورو مهمو اداري موضوعاتو په اړه بحث او خبرې وشوې، چې د ګډونوالو د نظرونو او مشورو له شریکولو وروسته لازمې پریکړې هم وشوې.
