د مهاجرینو او راستنېدونکو چارو سرپرست وزير محترم مولوي عبدالکبیر په دو جلاجلا ناستو کې د څو ولایتونو له علماي کرامو او قومي مخورو سره وکتل.
راغلو علماوو او قومي مخورو د افغان کډوالو پر ستونزو او ځینو وړاندېزونو خبرې وکړې او زیاته یې کړه، چې اسلامي امارت په لنډ مهاله ښارګوټو کې د کډوالو لپاره د اړتیا وړ اسانتیاوې چمتو کړې دي او وړاندېز یې وکړ چې اسلامي امارت دې د کډوالو لپاره د استوګنې په دایمي ښارګوټو کې د ځمکو د ویش لړۍ هم پیل کړي.
دغو مخورو او علمای کرامو د یو لړ ستونزو حل په موخه سلا مشورې او وړاندېزونه د مهاجرینو او راستنېدونکو چارو له سرپرست وزیر سره شریک کړل.
د ناستو پر دوام، محترم مولوي عبدالکبیر وویل اسلامي امارت له توپــــــــیر پرته راستنو شوو افغانانو ته د استوګنې ځمکې په نظر کې نیولې دي او هڅې روانې دي چې په ولایتونو کې ژر د ښارګوټو ځمکه ځانګړې او د وویش لړۍ یې پیل شي.
محترم وزیر زیاته کړه، چې اسلامي امارت د ولسونو ستونزو ته متوجه دی او د شته امکاناتو پر مټ به ورته حللارې ولټول شي.
