د مهاجرينو چارو وزير  بيت الله شريف ته د تلوونکو افغان مهاجرينو سره  خبرې وکړې

sadam_morr
شنبه ۱۴۰۲/۳/۱۳ - ۱۱:۵۱
-

د مهاجرينو او راستنېدونکو چارو وزير الحاج خليل الرحمن حقاني د هغو افغان مهاجرينو سره د وزارت د ناستو په تالار کې خبرې وکړې، چې د مهاجرينو چارو وزارت له لارې بېت الله شريف ته  تلوونکي دي.
د مهاجرينو چارو وزارت له لارې په روان کال کې زر ته افغان مهاجرينو، چې  په پاکستان، ايران او يوشمېر نورو هېوادونو کې مېشت دي سعودي عربستان ته د حج د فرضې د ادا کولو لپاره لېږل کېږي.
د دوی پچه اچونه په دغه وزارت کې تر سره شوې وه، چې د (۴) زره او (۵۰۵) تنو غوښتونکو له ډلې  يې زرو تنو سعودي عربستان ته د تلو چانس تر لاسه کړی.
د مهاجرينو چارو وزير له دوی سره په ليدنه کې په دغه وزارت کې د اسنادو د طی مراحلو، د حج او اوقافو او سعودي عربستان ته د سفر په اړه معلومات ورکړل.
هغه له حاجيانو څخه غوښتنه وکړه، چې له کابل څخه سعودي عربستان ته د تګ او هېواد ته د راستنېدو پرمهال له نورو حاجيانو په  شان له صبر څخه کار واخلي او څنګه چې ورته استادان لار ښوونه کوي د حج مراسم په ښو اخلاقو او حوصلې سره ترسره کړي.
حقاني دوی ته ډاډ ورکړ، چې ددې وزارت چارواکي او کار کوونکي  د خدمتګارانو په توګه  د دوی په خدمت کې دي  او د دوی  د اسنادو اداري طی مراحل ترسره کوي.
وروسته د حقوقي ملاتړ رئيس  او د حاجيانو د کمېټې مسؤل مولوي غلام نبي داد خېل  په مهاجرينو چارو وزارت او يوشمېر نورو ادارو کې د دوی د اسنادو د طی مراحلو په اړه معلومات ورکړل او ډاډ يې ورکړ، چې د وزارت په بېلابېلو برخه کې موظف شوي کار کوونکي د دوی په خدمت کې دي.

تازه خبرونه

چهارشنبه ۱۴۰۳/۱/۸ - ۱۳:۴۲
Background image

د مهاجرینو وزارت او دوو موسسو ترمنځ د څه باندې۲ میلیونه ډالرو په ارزښت د همکارۍ درې هوکړه لیکونه لاسلیک شول

د مهاجرینو او راستنېدونکو چارو وزارت او دوو موسسو، د بشري مرستو د همغږۍ موسسې او د جاپان بېړنۍ موسسې ترمنځ د ۲ میلیونه ۶۰۰ زره ۳۴۱ امریکایي ډالرو په ارزښت د همکارۍ هوکړه لیکونه لاسلیک. . .

سه‌شنبه ۱۴۰۳/۱/۷ - ۲۰:۵۹
Background image

د مهاجرینو او راستنېدونکو چارو وزارت مسلکي مرستیال پکتیکا ته سفر وکړ

 
د مهاجرینو او راستنېدونکو چارو وزارت مسلکي مرستیال د جبري راستنېدونکو کډوالو لپاره د موقتي استوګنې کمېتې مشر ښاغلي الحاج عبدالرحمن راشد له ګډ پلاوي سره پکتيکا ولایت ته سفر وکړ او. . .
سه‌شنبه ۱۴۰۳/۱/۷ - ۱۳:۲۶
Background image

د مهاجرینو وزارت کې د سلګونو حج غوښتونکو د پچه اچونې مراسم ترسره شول

په ایران، پاکستان او نورو لوېدیځو هېوادونو کې د مېشتو ۶۰۰ کډوالو چې د حج د فریضې د ادا کولو لپاره یې نوملیکنه کړې وه، په مهاجرینو او راستنیدونکو چارو وزارت کې یې د اړوندو برخو د استازو. . .

بېرته خبرونه ته