د مهاجرينو چارو وزارت کې د بېځايه شوو د ملي پالېسۍ د تعديل او سمون په موخه دويمه ناسته ترسره شوه
د مهاجرينو او راستنېدونکو چارو وزارت د چارواکو، يوشمېر رئيسانو او اړوندو ملي ادارو په شتون دوشنبه د مرغومي په (۵) مه د بېځايه شوو د ملي پالېسۍ د تعديل او سمون په موخه دويمه ناسته ترسره شوه.
په ناسته کې د ملي ادارو او وزارتونو باصلاحيته استازو ګډون کړی و او د يادې پالېسۍ د تعديل او د څرنګوالي په اړه يې خپل نظرونه د مهاجرينو چارو وزارت سره شريک کړل، چې له يووالي او نهايي کولو وروسته به رامنځ ته شوی تعديل او سمون د پالېسۍ په متن کې شامل شي.
د مهاجرينو چارو وزارت مسلکي مرستيال مولوي عبدالرحمن راشد وويل، ددې پالېسۍ د تعديل په برخه کې د ملي او نړيوالو ادارو د نظرياتو د شريکولو لپاره د بېځايه شوو د اړتيا وو د حل او لازياتو خدماتو وړاندې کولو په برخه کې د يوې مشخصې پالېسۍ درلودل مهم دي .
هغه زياته کړه، چې په ټول هېواد کې د نظام په بدلون سره په دغه پالېسۍ کې نوی والی ضروري دي.
