د مهاجرينو چارو وزارت کې د پلان د ډولو نو په اړه ورکشاپ ترسره شو
په دغه ورکشاپ کې د مهاجرينو چارو وزارت چارواکو ، مسؤلينو او يوشمېر کارو کوونکو د پلان د جوړولو او دهغه د چمتو کولو په لارو چارو خبرې وکړې.
د ورکشاپ په پيل کې د مهاجرينو او راستنېدونکو چارو وزير الحاج خليل الرحمن حقان ی او مالي او اداري مرستيال الحاج محمد ارسلاح خروټي د موضوع په اړه خبرې وکړې.
د مهاجرينو چارو وزير وويل، بغير له پلان نه د ادارې فعاليتونه نامکين دي اود بنسټيز اړتياوې د پوره کولو لپاره هغه څه، چې لازم دي په لنډمهالي او اوږد مهالي پلانونو کې شاملې شي.
هغه د وزارت د مسؤلينو او کار کوونکو څخه غوښتنه وکړه، چې د پلان په جوړولو کې له پوره دقت څخه کار واخلي، له يوبل سره مشورې وکړي او هغه څه چې ترسره کوي يې شفاف او اغېزمن وي.
همدارنګه مالي او اداري مرستيال الحاج محمد ارسلاح خروټي د موضوع په اړه خبرې وکړې ويې ويل، زموږ په ميليونونو هېوادوال د مهاجرت شپې سباکوي او همدارنګه ميليونونه هېواد وال مو بېځايه شوي چې له يوشمېر ستونزو سره مخ دي، دوی ته د خدماتو د وړاندې کولو او د ستونزو دحل لپاره لپاره د يو منظم او دقيق پلان لرل اړين دي.
هغه زياته کړه، موږ نه شوو کولای چې خپل اهداف له پلان پرته او ياهم په نيمګړي پلان سره ترلاسه کړو، نو موږ بايد د شته پلانونو په نظر کې نيولو او د هغو نميګړتياوو ته په پام سره نوي پلانونه جوړ او تنظيم کړو او د وزارت د ټولو څانګو د پلانونو په جوړولو کې د پلان او پالېسۍ رياست همکاري اړينه ده.
په پای کې د دوکتور محمد روحاني له لورې د ورکشاپ ګډنوالو ته د پلان د ډولونو، د هغه د برخو، د هغو اساسي ټکوپه اړه چې بايد د پلان په جوړولو کې په نظر کې ونيول شي او يوشمېر نورو ځانګړتياوو په اړه معلومات وړاندې شول.
ورکشاپ د ګډنوالو د سوالونو په ځوابولو او د پلان جوړونې په اړه د نظرونو په وړاندې کولو سره پای ته ورسېده.
