د مهاجرينو چارو وزارت او دوه موسسو ترمنځ د همکاريو هوکړه ليکونه لاسليک شول

د  مهاجرينو چارو  وزارت، (EPEK)  او (DRC) موسسي ترمنځ د  څه باندې (۴) ميليونو (۸۴۰) زرو امريکايي ډالرو په ارزښت  پېنځه هوکړه ليکونو د چنګاښ  په (٣) مهۍ لاسليک شول.
د  (DRC ) موسسې سره د لاسليک شوي هوکړه ليک  مالي لګښت (٤) ميلونه، (۶۸۷) زره او (۸۰۳) امريکايي ډالره دی، چي له مخي به يې (۴۱۴) زره او (۷۴) تنو سره په کابل،غزني، ميدان وردګ، پروان، کاپيسا، پکتيکا، قندهار، زابل، هلمند، نيمروز، هرات، فراه،بادغيس،ننګرهار، کونړ او نورستان ولايتونو کي د نغدي مرستو، عامه پوهاوي او رواني خدماتو د درمنلي  په برخه کې مرستې کوي.
همدارنګه د (۱۵۳) زره او (۶۳) امريکايي ډالرو په ارزښت د EPEK) موسسې سره د همکاريو (۴) هوکړه ليکونه لاسليک شول او ياده موسسه به ( ۱۰۰) کوررنيو ته د کابل ولايت اړوند د يو کال لپاره هره مياشت(۸) قلمه خوراکي توکي وېشي، (۳۸۰) تنو ته به د کمپيوټر، انګليسي ژبې، حسابدارۍ او ( ۸۰) تنو ته د انګليسي، دري، پښتو، رياضي مضامينو، ښوونې او روزنې او د ژوند د مهارتونو  په اړه کورسونه پر  لاره اچوي.
ياد هوکړه ليکونه د مهاجرينو چارو وزارت د حقوقي سلاکار او د پلان او پاليسۍ سرپرست  مرستيال مولوي محمود الحق احدي  او يادو موسسو د استازو ترمنځ لاسليک شول.