د مهاجرينو وزارت د هوکړه ليکونو کمېټې د کړنو او فعاليتونو د همغږۍ په موخه ناسته وشوه
د مهاجرينو او راستنېدونکو چارو وزارت د مسلکي مرستيال مولوي عبدالرحمن راشد په مشرۍ د وږي په (۲۰) مه د مهاجرينو او راستنېدونکوچارو وزارت د هوکړه ليکونو کمېټې دکړنو او په دندو کې د فعاليتونو د لازياتې همغږۍ په موخه ناسته ترسره شوه.
په ناسته کې مسلکي مرستيال عبدالرحمن راشد په ورځينو چارو کې په روڼتيا او د اداري فساد په مخنيوي ټينګار وکړ ويې ويل: (( ديادې طرحې په عملي کېدو او پلي کېدو کې بايد ټول موارد په پام کې ونيول شي موږ هڅه کو، چې مرستې اړمنو او مستحقو کورنيو ته ورسېږي)).
د داخلي بېځايه شوو وضعيت ته د رسېدو رئيس مولوي سردار محمد شېرزاد د يوشمېر موسسو او بنسټونو سره د لاسليک شوو هوکړه ليکونو په اړه معلومات ورکړل زياته يې کړه، چې په تېر يوه کال کې همکارو مرستندويه بنسټونو او موسسو سره (۵۴) هوکړه ليکونه لاسليک شوي او اته نور هوکړه ليکونه لاسليک ته چمتو دي.
