د مهاجرت نړیوال سازمان مرستیال د مهاجرینو چارو وزارت ته د تسلیت مراتب وړاندې کړل
د افغانستان لپاره د ملګرو ملتونو د مهاجرت نړیوال سازمان مرستیال ښاغلي توماسو دیکاتیلدو د مهاجرینو او راستنېدونکو چارو وزارت مسلکي مرستیال او کفیل مولوي عبدالرحمان راشد سره د شهید الحاج خلیل الرحمان حقاني د شهادت له امله د تعزیت په موخه ملاقات وکړ
په دغه ناسته کې ښاغلي دیکاتیلدو د مهاجرینو چارو وزارت سره ددغه سازمان له لورې خپله خواخوږي څرګنده کړه او د مرحوم حقاني شهادت یې افغان ملت لپاره لویه ضایع وبلله
د مهاجرینو چارو وزارت کفیل او مسلکي مرستیال له نوموړي څخه د مننې ترڅنګ په پاکستان کې د مهاجرینو د ستونزو یادونه هم وکړه
ښاغلي راشد په اسلام اباد کې له مهاجرینو سره د پاکستاني پوليسو ناوړه چلند خواشینوونکی وباله او له ملګرو ملتونو یې وغوښتل، چې د خپل نفوذ نه په ګټه اخستنې له پاکستاني لورې وغواړي ترڅو د مهاجرینو له زورولو لاس واخلي
