د ملګرو ملتونو د کډوالو ادارې عالي کمېشنر کندهار او ننګرهار ولایت ته سفر وکړ
پرون چهارشنبه د کب په (۲۵) مه د ملګرو ملتونو د کډوالو ادارې (UNHCR) د عالي کمېشنر فلیپوګراندي او د وزارت څخه د ورغلو استازو، کندهار او ننګرهار ولایتونو د مهاجرینو ریاستونو څخه لیدنه وکړه.
د کندهار او ننګرهار ولایتونو د کډوالو چارو د رئیسانو سره په خبرو کې د ملګرو ملتونو دغه لوړپوړي چارواکي وویل، چې کندهار او ننګرهار ته یې د سفر موخه له د اخلي بېځايه شوو سره د مرستو او د افغانستان اسلامي امارت له چارواکو سره د دواړو لوریو ترمېنځ د ګډو همکاریو په اړه خبرې اترې وکړې.
نوموړي زیاته کړه چې موږ په افغانستان کې د بېځایه شویو او اړمنو د اړتیاوو د حل په موخه پراختیایي پروګرامونو او د ګډو همکاریو په برخه کې به لازمې مرستې وکړو.
