د مالي او اداري برخې کار کوونکو ته روزنيز ورکشاپ ترسره شو
د مهاجرينو چارو وزارت د مرکزي رياستونو د مالي او اجرايوي برخې کار کوونکو ته د بوديجې او د هغه د لګښتونو او مهارتونو په اړه روزنيز ورکشاپ ترسره شو.
په دغه ورکشاپ کې چې د بشري سرچينو رياست له لورې د يوې وروځې لپاره ترسره شو، د بوديجې،د عادي او پراختيايي بوديجې، د بوديجې د ترتيب، لګښت، بېلابېلو مالي فورمونو، د معاشونو د اجرا، اندازې، ماليې، د وخت څخه د ګټې اخيستنې او د هغه د محدوديت، د اداري لګښتونو سمه او اغېزمنه ګټه اخيستنه، د وخت د ضايع کېدو د مخنيوي او د بوديجې اړوند يوشمېرو موضوعاتو په اړه د جهان پوهنتون د استاد له لورې معلومات وړاندې شول.
ورکشاپ د ګډنوالو د سوالونو په ځوابولو سره پای ته ورسېده.
