جوزجان کې یو ښوونځی پرانیستل شو
په جوزجان ولایت کې د مهاجرینو او راستېندونکو چارو وزارت مسلکي مرستیال مولوي عبدالرحمن راشد او د دغه ولایت والي قاري ګل حیدر شفق په شتون کې یو ښوونځی پرانیستل شو.
دا ښوونځی د ملګرو ملتونو عالي کمېشنرۍ د ۲۳ میلیونه افغانیو په مالي مرسته د وحید ضیا شرکت له لوري د جوزجان د فیض اباد ولسوالۍ په کشکک کې په وسایلو سنبال جوړ شوی دی.
د وزارت مسلکي مرستیال وویل: د اسلامي امارت په راتګ ډېرې پروژې پرانیستل شوې، دولت او ملت یو ځای کار کوي، چې پروژې پرمختللې شي او افغانستان پرمختللی کړي.
د جوزجان والي هم د دې پروژې په پرانیستې خوښي څرګنده کړه او دا یې د هېواد د ټیکاو او ابادۍ پر لور یو مهم ګام وباله.
