تورخم کې پنځه زره کډالو ته د دوو خدماتي پڼډغالو ګټې اخیستنې ته د سپارلو تر څنګ ټاکل شوو خدماتي کمېټو فعالیت پیل وکړ.
د ریاست الوزرا اداري مرستیال په مشرۍ بین الوزارتي کمیسون چې پکې دولس کمېټې فعالیت کوي د خپلو هغو زرګونو راستنېدونکو افغان کډوالو چوپړ کې د خدماتي کمپونو، اړینو خدماتو او سهولیتونو برابرولو بوخت دي، چې تازه د پاکستاني حکومت له لوري په جبر وېستل کیږي.
نن چهارشنبه ربیع الثاني ۱۷ مه د کډوالو چارو وزارت سرپرست وزیر محترم مولوي خلیل الرحمن حقاني په مشرۍ هیئت چې پکې د مخابراتو وزارت سرپرست وزیر محترم مولوي نجیب الله حقاني، د حج او قافو وزارت مسلکي معین محترم شیخ زر محمد حقاني ، دافغان پوست ادارې معاون مولوي رحمت الله مکي، د ختیځ زون ۲۰۱ خالد بن ولید قول اردو قوماندان مولوي عبدالصبور ابودوجانه د ننګرهار والي ملا محمد نعیم اخند او یو شمېر نورو مرکزي او ولایتي ادارو چارواکو یې ملتیا کوله په تورخم ښارګوټي کې د کډوالو لپاره پنډغالي ګټې اخیستنې ته وسپارل، د کډوالو چارو وزارت محترم وزیر د پنډغالو څخه دلیدنو پر مهال وویل چې په یادو پڼډغالو کې به پنځه زره په شاوخوا کې تازه راستنېدونکي کډوال میشت وي او ټول اړین خدمات به ورته وړاندې کیږي حقاني صیب وویل چې تردې دمه تورخم ښارګوټي له لارې یو لک او پنځوس زره کډوال خپل هیواد ته راغلي چې ټولو کډوالو ته صحي، ټیمونه، چې پکې نارینه او ښځینه ډاکتران شامل دي مٶظف شوي ، همدارنگه د کډوالو ثبت او راجستر په برخه کې هم د پخوا په پرتله تشکیل درې چنده زیات شوی او ټول کډوال بغیر له کوم خڼډ او ځڼډ څخه ثبت کیږي په پڼډغالو کې ټولو میشتو کډوالو ته خوراکي توکي په وړیا ډول ورکول کیږي همدارنګه حقاني صاحب وویل چې ټول هغه کډ وال چې اقتصادي مشکلات یې زیات وي په خپلو موټرو کې تر کورونو پورې رسوو، همدارنګه په فرضي کرښه کې د اطلاعاتو او کلتور وزارت سر پرست وزیر محترم مولوي خیرالله خیرخوا په ځانګړې سپارښتنه د عامه پوهاوي او روحي ارامتیا په پار په دیوالونو لیکنې وشوې او لاهم جریان لري. د مخابراتو وزارت سرپرست وزیر محترم مولوي نجیب الله حقاني وویل چې دغو پڼډغالو ته یې د انټرنیټ فایبر لاین تیرکړی او همدارنګه ټولو مخابراتي شبکو خپل مخابراتي انتنونه لږولي او ټولو کډوالو ته سیم کارتونه هم په هویت تذکره ورکول کيږي.د ملي دفاع وزارت د ختیځ زون ۲۰۱ خالد بن ولید قول اردو قوماندان مولوي عبدالصبور ابودوجانه وایي چې ۳۵ ټانکران،۷۰ انترنیشنلې، سیار تشنابونه نقلیه وسایط هم راوړل شوي او ټول راتلونکو کډ والو ته په خپلو برخو کې خدمات وړاندې کوي، هغه کډوال چې اقتصادي وضعه یې خرابه وي په خپلو موټرو کې تر کورونو رسوي.
راستانه شوې کډوال خوښ دي، چې خپل هېواد ته ستانه شوي او مسوولین ورته د هر ډول اسانتیاوو د برابرولو هڅې کوي.
د مسوولینو په خبره راستنېدونکو کډوالو ته دوه ملیارده افغانۍ بودیجه ځانګړې شوې چې په لومړنیو اړینو خدماتو کې به مصرف شي .باید وویل شي چې تردې دمه د یو نیم لکو په شاوخوا کې ستنېدونکي افغانان یوازې د تورخم له لارې هېواد ته ستانه شوي دي.
