بشري مرستې د بشر حق دی، او دا حق ترې باید سلب نشي
د مهاجرینو او راستنېدونکو چارو وزیر الحاج خلیل الرحمان حقاني د ملګرو ملتونو ادارو سره د همغږۍ ناسته کې، چې د بهرنیو چارو وزارت کې جوړه شوې وه؛ وویل، بشري مرستې دې د سیاسي ابزارو په توګه نه استفاده کیږي، بلکه دا د بشر حق دی او باید له قیوداتو پرته بشر ته ورکړل شي
ښاغلي حقاني زیاته کړه، هغه وخت پای ته رسیدلی، چې هره ورځ به لسګونه افغانان وژل کېدل، اوس د هېواد هرې سیمې ته له کوم ګواښ پرته بشري مرستې رسیدای شي
نوموړي وویل، د ډاډمن امنیت له امله نږدې دیارلس لکه افغانان هېواد ته راستانه شوي دي، چې ددوی ځای پرځای کېدنه کې ځای او کور ته اړتیا لري، خیریه بنسټونه دې مرستې په داسې ډول ترسره کړي، چې افغانان په خپلو پښو ودریږي
