افغان کډوال په خیبر پښتونخوا کې د کډوالو عالي کمیشنرۍ دفترونو ته له مراجعې پرته کولای شي هېواد ته راستانه شي.
د کډوالو او راستنېدونکو چارو وزیر مولوي عبدالکبیر په کابل کې د کډوالو په چارو کې د ملګرو ملتونو عالي کمیشنرۍ د دفتر له مرستیال او سرپرست سره تر لیدنې وروسته او په خیبر پښتونخوا کې د بېرته ستنېدنې مرکزونو کې د افغان کډوالو د غوښتنو د زیاتوالي له امله د کډوالو عالي کمیشنرۍ پرېکړه کړې، چې له نن (چهارشنبه، د اګسټ ۲۰، ۲۰۲۵) څخه به افغان کډوال وکولای شي پرته له دې، چې په خیبر پښتونخوا کې د یادې کمیشنرۍ دفترونو ته مراجعه وکړي او خپل هېواد ته راستانه شي.
د کډوالو عالي کمیشنرۍ ډاډ ورکړی، چې په افغانستان کې به ټولو راستنېدونکو کډوالو ته پرته له توپیره یو شان ټاکل شوې مرستې ورکړل شي. دا پرېکړه د کډوالو د ستنېدنې پروسې د اسانتیا او چټکتیا په موخه شوې ده
