افغانانو د علماوو په فتوا درې امپراتورۍ ماتې کړې
د مهاجرینو او راستنېدونکو چارو سرپرست الحاج خلیل الرحمان حقاني د بامیان ولایت، د جهادي مدرسې د لیدنې پرمهال په افغاني ټولنه کې د علماوو رول ته په اشارې وویل، علماوو تل د افغانانو په منځ کې ځانګړی ځای لرلی او د دوی په فتوا د سرونو قربانیو ته چمتو شوي دي.
نوموړي زیاته کړه، دا ځل مو د جهاد ثمره (اسلامي او خپلواک نظام) ځکه ترلاسه کړه، چې مشري یې علماوو کوله.
ښاغلي حقاني وویل علماء باید اسلامي او جهادي روحیه ژوندۍ وساتي او د ملت د یووالي لپاره شپه او ورځ مټې راونغاړي او جهادي مدرسې باید د نړۍ هېوادونو لپاره یوه الګو وي.
د مهاجرینو چارو وزیر د دغې مدرسې د استادانو او شاګردانو ستونزې او مشکلات هم له نږدې واورېدل او د حل ډاډ یې ورکړ.
