تورخم کې د افغانستان او پاکستان کمیسارانو ترمنځ ترمنځ د ستونزو د حل په موخه ناسته وشوه
د غوایي میاشتې په ۲۲ مه نیټه د تورخم په فرضي کرښه کې د تورخم کمیسار، د ننګرهار ولایت محلي مسؤلینو، د پاکستاني دولت استازي په ننګرهار کې د یاد هېواد قونسل، پوځي مسؤلینو او د پاکستان له لوري د تورخم کمیسار په ګډون یوه ځانګړې ناسته ترسره شوه.
په دې ناسته کې چې پکې د دواړو هېوادونو ترمنځ تجارت پراخولو، مریضانو او مهاجرینو ستونزو د حل او عامو وګړو ته د اسانتیاوو برابرولو په اړه خبرې وشوې.
همدا راز دواړو لورو په دې هوکړه وکړه، چې د سوداګرو لپاره ځانګړي موټر برابر شي؛ ترڅو په ارامۍ او اسانۍ سره تګ-راتګ وکړي.
په پای کې دواړو لورو د همکارۍ او ستونزو د حل لپاره ډاډ څرګند کړ.