په ننګرهار کې د راستنېدونکو د پرمختللي ډیټابیس د لنډمهاله مېشتېدنې برخه فعاله شوه
تېره ورځ د ننګرهار تورخم فرضي کرښې په عمري کمپ کې د راستنېدونکو په پرمختللي ډیټابیس کې د لنډمهاله مېشتېدنې برخه د مهاجرینو چارو وزارت د معلوماتي ټکنالوژۍ، د کډوالو تحقیق او معلوماتو ریاستونو د استازو له لوري د لڼدمهاله مېشتېدنې کمېټې د مسوولینو په شتون کې پرانیستل شوه او په فعالیت یې پیل وکړ.
د ستونزو حل عالي کمېسیون د لنډمهاله مېشتېدنې کمېټې استازي د یادې برخې د پرانیستنې او فعالولو له امله د وزارت د مسلکي معین ښاغلي مولوي عبدالرحمن راشد او د یادې کمېټې رییس له هڅو او د مخابراتو وزارت استازو له همکاریو مننه وکړه.
وروسته د مهاجرینو چارو وزارت د معلوماتي ټکنالوژۍ ریاست استازي ځايي مسوولینو ته د سیسټم کارونې او معلوماتو ثبتونې څرنګوالي په اړه لازمې زدهکړې ورکړې.
د مهاجرینو چارو وزارت دغه کړنه د راستنو شویو وضعیت ښهوالي لپاره مثبت ګام ګڼي او ژمن دی، چې د همکارو بنسټونو په همکارۍ به راستنو شویو او کډوالو ته ښه امکانات او غوره خدمتونه وړاندې کړي.
