بلخ: د شمال زون په کچه له نړیوالو همکارو موسساتو سره د همغږۍ ناسته ترسره شوه
د مهاجرینو او راستنېدونکو چارو وزارت سرپرست الحاج خلیل الرحمان حقاني او مل پلاوي بلخ ولایت ته د خپل کاري سفر په ترڅ کې د ملي او نړیوالو د موسساتو له استازو سره د همغږۍ ناسته وکړه
یاده ناسته، چې د بلخ ولایت مقام د غونډو په تالار کې جوړه شوې وه، د بلخ ولایت مرستیال، د یو شمېر سکتوري ریاستونو رئیسانو او د یو شمېر ولایتونو د مهاجرینو چارو رئیسانو هم ګډون درلود
په ناسته کې د مهاجرینو چارو وزیر له پاکستان څخه راستنو شوو کورنیو ته د ژمنیو مرستو په رسولو ټینګار وکړ
ښاغلي حقاني وویل، د واورو په ورېدو سره ښایي ځینو ولایتونو ته لارې بندې شي، نو له همدې امله مخکې له مخکې باید مرستې ور ورسول شي
نوموړي ټینګار وکړ، چې مهاجرینو ته کورونه جوړول، کاري فرصتونه رامنځته کول او نور اساسي خدمتونه وړاندې شي
د مهاجرینو چارو وزیر وویل، افغاني غرور ګداګري او چاته لاس نیول نه ایجابوي، له همدې امله دې مرستې د کار په بدل کې ورکړل شي
په ناسته کې د بلخ ولایت مرستیال حاجي نورالهادي ډاډ څرګند کړ، چې د راستنو شوو ستونزو ته د رسیدګۍ لپاره یې په ولایت او ولسوالیو کې کمېټې جوړې کړي او امکانات یې هم په لاس ورکړي دي، ټولو راغلیو مهاجرینو ته پروخت رسیدګي کېږي
وروسته د موسساتو استازو خپل کاري راپورونه وړندې کړل او خپلې ستونزې یې له وزیر صیب سره شریکې کړې، چې د حقاني صیب له لورې د حل ډاډ ورکړل شو
