رحماني: مرستې به په منظمه او شفافه توګه مستحقو کسانو ته رسیږي

sadam_morr
سه‌شنبه ۱۴۰۳/۳/۱ - ۱۲:۴۸
-

بورتنۍ څرګندونه د مهاجرینو او راستنېدونکو چارو وزارت د مرستو د همغږۍ  رئیس شیخ عبدالرحمن رحماني د بغلان ولایت سیلاب ځپلو کورنیو ته د رسیدنې په موخه له همکارو بنسټونو سره په ګډه ناسته کې شریکه کړه.

نوموړي له مستحقو او زیانمن شوو سره په شفافه، ښه او منظمه توګه مرسته د دې ناستې موخه وبلله او د ملي او نړيوالو همکارو بنسټونو له مرستو يې مننه وکړه.

په دې ناسته کې چې د ملګرو ملتونو د کډوالو عالي کمېشنرۍ، د مهاجرت نړیوال سازمان او د ملګرو ملتونو د بشري مرستو همغږي کوونکي شتون درلود، د بغلان ولایت د سیلاب ځپلو د ستونزو د حل په اړه پکې خبرې وشوې.

 د داخلي بې ځایه شویو وضعیت ته د رسیدنې او د دایمي حل لارې د موندلو ریاستونو رییسانو د دغې غونډې له ګډونوالو سره په بغلان ولایت کې له سېلاب ځپلو سره د مرستې او خدمتونو و په اړه هر اړخیز معلومات شریک کړل او له زیانمنو شویو خلکو سره یې په بېلابېلو برخو کې د همکارو بنسټونو د لا زیاتې مرستې غوښتنه څرګنده کړه.

د ملګرو ملتونو د بشري مرستو د همغږۍ د دفتر ساحوي رییس ښاغلي کینټ باټو راجر زیانمنو شویو ته د رسیدنې په موخه د خوراکي توکو، روغتیا، د کور وسایلو او نغدي پیسو په برخه کې د همکارۍ په اړه  معلومات وړاندې کړل.

نوموړي د هغوی له ادارې سره د زيانمنو شويو کسانو د ارقامو شريکول ارزښتناک وبلل او له وزارت سره يې پر لا زياتې همغږۍ او همکارۍ ټينګار وکړ.

د کډوالو په چارو کې د ملګرو ملتونو د عالي کمېشنرۍ د کلستر همغږي کوونکې مېرمن آیلین هم د بغلان، تخار او بدخشان ولایتونو د سېلاب ځپلو د شمېرو په اړه خبرې وکړې او له خپلو ملاتړیو سره یې په ګډه د لا همکارۍ ډاډ څرګند کړ.

 

تازه خبرونه

سه‌شنبه ۱۴۰۳/۱۱/۲۳ - ۲۰:۴۲
Background image

د کډوالو او بېرته راستنېدونکو چارو سرپرست وزیر د پنجشېر له امنیه قومندان سره وکتل

 د کډوالو او بېرته راستنېدونکو چارو سرپرست وزیر محترم مولوي عبدالکبیر، د پنجشېر ولایت له امنیه قومندان قاري احمدالله بدر سره په خپل کاري دفتر کې وکتل.
په دې ناسته کې قاري احمدالله بدر د. . .

سه‌شنبه ۱۴۰۳/۱۱/۲۳ - ۲۰:۴۲
Background image

د کډوالو او بېرته راستنېدونکو چارو سرپرست وزیر محترم مولوي عبدالکبیر، په جلا جلا ناستو کې د خوست، پکتیا او لغمان ولایتونو له یو شمېر علماوو، قومي مشرانو او مسؤولینو سره وکتل.

په دغو ناستو کې د یادو ولایتونو استازو د خپلو سیمو د عمومي وضعیت، امنیتي او ټولنیزو چارو او د ولسي همکاریو پر مختلفو اړخونو بحث وکړ او خپلې ستونزې یې ورسره شریکې کړې.
راغلو مسوولینو. . .

سه‌شنبه ۱۴۰۳/۱۱/۲۳ - ۱۳:۵۲
Background image

د قطر سرې میاشتې ټولنې رییس د کډوالو وزارت مسلکي معین سره وکتل

د قطر هېواد سرې میاشتې رییس حسین یونس او مل پلاوي د کډوالو او راستنېدونکو چارو وزارت مسلکي معین الحاج مولوي عبدالرحمن راشد سره وکتل.
مسلکي معین ښاغلي حسین یونس او مل پلاوي ته ښه راغلاست. . .

بېرته خبرونه ته