د مهاجرینو او راستنېدونکو چارو سرپرست وزیر محترم مولوي عبدالکبیر د کډوالو عالي کمېسیون اړوند د اسکان موقت کمېټي له سرپرست مولوي نصرت الله طلحه سره وکتل.
د یادې کمیټي چارې او مسوولیتونه چې د مهاجرینو او راستنیدونکو چارو وزارت پر مخ وړي، د کمیټې سرپرست د خپلو کړنو راپور له محترم وزیر سره شریک کړل، ښاغلي طلحه وویل چې د اړتیا وړ خیمې او نور توکي په پولو کې د مهاجرینو لنډمهاله ښارګوټو ته رسول شوي او د اسکان موقت کمېټه د لاډېرو امکاناتو پر چمتو کولو لګیا ده.
محترم مولوي عبدالکبیر مهاجرینو ته د لنډمهاله استوګنیزو ښارګوټو چمتو کولو اړین وبلل او په دغو ښار ګوټو کې یې د ستونزو پر حل ټېڼګار وکړ.
ښاغلي وزير زیاته کړه، چې امارتي ادارې همکارۍ ته تیارې دي او د اړتیا په صورت کې شونې ده چې ترې مرسته وغوښتل شي.
محترم وزیر څرګنده کړه، چې اسلامي امارت په ټول توان د مهاجرینو لپاره کار کوي او د کډوالو لپاره جوړ شوی عالی کمېسیون کافي امکانات په لاس کې لري.
د ناستې پای کې محترم مولوي عبدالکبیر د چارو د سمون په موخه د اسکان موقت کمیټې سرپرست ته ځينې سپارښتنې وکړې.
