د قومونو د یووالي هڅې: د ځدراڼو، مېزایو قوم ګډه شورا رامنځته شوه
د مهاجرینو او راستنېدونکو چارو وزیر الحاج خلیل الرحمان حقاني له لورې د قومونو ترمنځ د شخړو خلاصولو پر دوام د پکتیا ولایت، ګردې څېړۍ او شواک ولسوالیو اړوند د ځدراڼو، مېزایو قوم ګډه شورا رامنځته شوه ددغه شورا د طرزالعمل له مخې یاده شورا د مېزایو قوم له مخورو، علماو او متنفذینو څخه تشکیل شوې، چې مشري یې د مرحوم حقاني صیب کورنۍ ته سپارل شوې ده د یاد طرز العمل له مخې شورا به هره وړه او لویه ستونزه د اسلامي شریعت سره سم، په سولییزه او عادلانه توګه حل کوي، د شورا پرېکړې به ټول قوم مني او هرڅوک چې په کومه شخړه کې مجرم ثابت شي، عدلي او قضایي ارګانونو ته به سپارل کېږي د یادونې وړ ده، چې د افغاني دود له مخې د نورو پښتنو قومونو په څېر د ځدراڼو قوم هم ډېرې شخړې د جرګو او مرکو له لارې حل کېږي، چې یاده شورا به د دولت او ملت ترمنځ پول او د شخړو د خلاصون په برخه کې مثبت رول ولري
