په ننګرهار ولایت کې یو روغتیایي مرکز د ۲۳۹ زره ډالرو په ارزښت ګټې اخیستنې ته وسپارل شو
د غوایي میاشتې په لومړۍ نیټه د ننګرهار ولایت د هسکې مېنې ولسوالۍ په پاپین سیمه کې د ۲۳۹ زره امریکایي ډالرو په لګښت یو نوی روغتیایي مرکز جوړ او ګټې اخیستنې لپاره پرانېستل شو.
دغه مرکز وزارت د همکارو بنسټونو په مالي مرسته د ۱.۵ جریبه ځمکه پر مساحت د یوه خصوصي شرکت لهخوا د ۱۸ خونو، تشنابونو او د پاکو اوبو منظم سیستم سره جوړ شوی دی.
د پرانېستې په مراسمو کې د ننګرهار د کډوالو او راستنېدونکو رییس، د عامې روغتیا رییس او نورو مسوولینو ګډون درلود. د ننګرهار عامې روغتیا رییس وویل: دا کلینیک، چې د تېرو ۲۰ کلونو جګړو پر مهال ویجاړ شوی و؛ ا
وس به د پاپین او شاوخوا کلیو سربېره د پچیر اګام ولسوالۍ د درېو کلیو اوسېدونکو ته روغتیایي خدمات وړاندې کړي.