پکتيا کې د مهاجرينو لپاره نوې څانګه پرانيستل شوه
د پکتيا ولايت د مهاجرينو چارو رياست د مرغومې په (۶) مه د پکتيا ولايت په ډنډې پټان ولسوالۍ کې د افغان راستنېدونکو د نومليکنې لپاره د نوې څانګې د پرانيستې خبر ورکړ.
د سرچينې په خبره دغه څانګه د مهاجرينو چارو وزارت د مسؤلينو د پاملرنې په پايله کې پرانيستل شوه او هغه مهاجرين چې هېواد ته راستنيږي، دهمدې څانګې له لارې به له خپلو حقونو برخمن کېږي.