د ايران څخه له (۴) زرو زيات افغان مهاجر وطن ته راستانه شول
د نيمروز ولايت د ورېښمو او هرات ولايت د اسلام قلعه له لارې د لړم په (۲۲) مه او (۲۳) مه (۴۵۹۶) افغان مهاجر هېواد ته راستانه شول.
د اسلام قلعه د مهاجرينو د آمر د معلوماتو پر بنسټ د لړم په (۲۳) مه (۹۳۰) تنه افغان مهاجر ( ۹۲) کورنۍ، چې (۲۹۴) تنه کېږي د( ۱۶۳۶) تنو مجردينو سره هېواد ته راستانه شول.
سرچينې زياتوي، چې له ډلې يې (۴۷۲) تنه د مرستو په موخه د مهاجرت نړيوال سازمان (IOM) ته ور وپېژندل شول.
د يو بل خبر له مخې د نميروز ولايت د ورېښمو پل له لارې د لړم په (۲۲) مه او (۲۳) مه (۲۶۶۶) تنه هېواد ته راستانه شوي.
د نيمروز ولايت د مهاجرينو د رئيس په خبره (۵۹) کورنۍ چې ( ۲۳۶) تنه کېږي د ( ۲۴۳۰) تنو مجردينو سره هېواد ته راستانه شوي، چې له ډلې يې ( ۷۳۷) تنه د مرستو په موخه د مهاجرت نړيوال سازمان (IOM) ته ور وپېژندل شول.