د مهاجرينو چارو وزارت کې د ساري ناروغيو د عامه پوهاوي برنامه ترسره شوه

anwari_morr
سه‌شنبه ۱۴۰۲/۷/۱۱ - ۱۴:۱۲
ـ

د کانګو او ليوني سپي د ناروغۍ په اړه د عامه پوهاوي برنامه د عامې روغتيا وزارت په همغږۍ د مهاجرينو او راستنېدونکو چارو وزارت د بشري سرچينو رياست په همکارۍ د دغه وزارت يو شمېر کار کوونکو ته د وزارت د ناستو په تالار کې ترسره شوه.
د برنامې په پيل کې د بشري سرچينو رئيس دوکتور مفتي مديرګل احمدي او د داخلي بېځايه شوو وضعيت ته د رسېدو رئيس مولوي سردار محمد شېرزاد خبرې وکړې او د داسې برنامو تر سره کول يې مهم وبلل. 
هغه د ناروغۍ او روغتيا په اړه د محمد (ص) احاديثو ته په اشارې سره د چاپيريال په پاکوالي ټينګار وکړ او د برنامې له ګډنوالو يې غوښتنه وکړه، چې په غور سره دې د ډاکټرانو خبرې واوري، غوږ دې ور ته ونيسي او هغه څه چې ډاکټران يې وايي په کاري چاپيريال او کور کې يې له نورو سره شريک کړي، تر څو له دې لارې د ساري ناروغيو مخه ونيول شي.
ورپسې د روغتيا وزارت د کانګو ناروغۍ عمومي مسؤول ډاکټر بشير امين او د ليوني سپي د ناروغيو د کنټرول عمومي مدير ډاکټر جواد اماني د يادو ناروغيو د ماهيت او د هغوی د لېږد د څرنګوالي او مخنيوي په اړه ګډنوالو ته هر اړخيز معلومات ورکړل.
د يادې برنامې د تر سره کېدو موخه د کارکوونکو د پوهې لوړول او هغوی ته د ذکر شوو ناروغيو د مخنيوي د څرنګوالي بیانول وو.

تازه خبرونه

سه‌شنبه ۱۴۰۲/۹/۷ - ۲۰:۳۷
Background image

د مهاجرینو چارو سرپرست وزیر د افغانستان له پاره د اروپایي اتحادیې له سرپرستې سره ولیدل

د مهاجرینو او راستنېدونکو چارو سرپرست وزیر الحاج خلیل الرحمن حقاني د اروپایي اتحادیې له سرپرستې آغلې رافیلا لودیک او مل پلاوي سره په خپل کاري دفتر کې ولیدل
ښاغلي حقاني آغلې رافیلا لودیک. . .

سه‌شنبه ۱۴۰۲/۹/۷ - ۱۴:۴۲
Background image

د مهاجرينو او راستنېدونکو چارو وزير له يو شمېر ولسي استازو سره  لېدنه وکړه 

د مهاجرينو او راستنېدونکو چارو وزير الحاج خليل الرحمن حقاني دبېلابېلو ولايتونو له  يو شمېر ولسي استازو سره په خپل کاري دفتر کې لېدنه وکړه. 
په دغه لېدنه کې يادو استازو  د بهر مېشته. . .

سه‌شنبه ۱۴۰۲/۹/۷ - ۱۱:۳۷
Background image

د وزارت  مسلکي مرستيال په کندهار کې د راستنېدونکو د مؤقتي کمپ  له کارونو ليدنه وکړه

د مهاجرينو او بېرته راستنېدونکو چارو وزارت مسلکي مرستيال مولوي عبد الرحمن راشد او د مؤقتې استوګنې د کمېټې رئيس د ليندۍ په ۶ مه  د کندهار ولايت د تخته پل  د مؤقتې کمپ له کارونو څخه ليدنه. . .

بېرته خبرونه ته