بېځایه شوو ته دلاسرسي په برخه کې له درې میلیون څخه دډېرو ډالرو په ارزښت دوه هوکړه لیکونه لاسیلک شول
دکډوالو او راستنېدونکو چارو وزارت بېځایه شوو ته دلاسرسي په برخه کې له ٣میلیونه او٢٥٨زره او٧٩٤ ډالرو په ارزښت د(WASSA) او (CHA) موسسې سره دوه هوکړه لیکونه لاسلیک شول.
دغه هوکړه لیکونه دپنجشنبې په ورځ دزمري په ٧دکډوالو او راستنېدونکو چارو وزارت دپالېسۍ اوپروګرامونو دپلي کېدو معین شېرعلم امله وال او ذکر شوو موسسو داستازو ترمنځ په کډوالو وزارت کې لاسلیک شول.
د پالیسۍ او پروګرامونود پلي کېدو مرستیال په هېواد کې روان وضعیت حساس وباله او د داخلي بې ځایه شویو خلکو ته لاسرسی یې د وزارت یو له اصلي لومړیتوبونو څخه یادکړ او په مرستندویه ادارو یې غږ وکړ چې په دې وضعیت کې د کډوالو چارو وزارت سره لا زیاته همکاري وکړي.
د(CHA) موسسه به دلاسلیک شوي هوکړه لیک له مخې په غور ولایت کې دسرپناه جوړولو،روغتیایې کڅوړو او خوراکي موادو دوېش په برخه کې دکډوالو او راستنېدونکو چارو وزارت سره همکاري کوي.
دیاد هوکړه لیک ارزښت یومیلیون او٣٠٣زره ډالرو ته رسیږي.
همدارنګه دWASSAموسسه به دلاسلیک شوي هوکړه لیک له مخې دهېواد په عربي ولایتونو کې د داخلي بېځایه شوو ته د رسېدو اوبيایوځای کېدو ،کارموندنې دزراعت په برخه کې کارکوي .
دیاده هوکړه لیک ارزښت یومیلیونو٩٥٥زره او٧٩٤ ډالرو ته رسیږي.
