کډوالو چارو وزارت د دفتر رييس: تغیر او تبديل په اداره کې يو اصل دی
د کډوالو او راستنېدونکو چارو وزارت د دفتر رييس مولوي سعيد احمد بنوري د ياد وزارت د حاضرۍ نوي عمومي مدير احسان الله رحيمي په پېژند غونډه کې وويل: تغیر او تبديل د ادارې د پرمختګ لپاره يو بنسټيز اصل دی.
نوموړي د پخواني عمومي مدير د کړنو ستاينه وکړه او زياته يې کړه: د ورځنيو چارو په اجرا کې د لا زياتې روڼتيا او اغېزمنتوب لپاره بدلون اړين دی.
د کارکوونکو چارو رييس عرفان الله عباد په دې غونډه کې د نوي عمومي مدير د برياليتوب هيله وکړه. همدا راز ښاغلي رحيمي ژمنه وکړه، چې د کار په ښه والي، روڼتيا او د نورو برخو سره په همغږۍ او بشپړ صداقت سره به خپله دنده ترسره کوي. دا بدلون د وزارت د چارو د لا اغېزمنتوب او روڼتيا په موخه تر سره شوی دی.
