د کندهار مهاجرینو ریاست ته د چین له لوري د نقلیه وسایلو شوې مرسته وسپارل شوه
د چین هېواد له لوري د نقلیه وسایلو شوې مرسته د مهاجرینو او راستنېدونکو چارو وزارت مسلکي معین مولوي عبدالرحمن راشد له لوري د کندهار مهاجرینو او راستنېدونکو چارو ریاست ته وسپارل شوه.
په دغو مرستو کې دوه پیکب موټرونه، دوه کاردینا موټرونه، دوه امبولانسونه، دوه د اوبو ټانکرونه، ۱۷۰ خیمې او ۷۵ کمپلې شاملې وې، چې د مولوي عبدالرحمن راشد له لوري یاد ریاست ته په رسمي توګه وسپارل شوې.
مسلکي معین د یادو مرستو له امله د چین هېواد څخه مننه وکړه او زیاته یې کړه، چې خیریه موسسې او هېوادونه دې له افغان مهاجرینو سره مرستې وکړي.
د کندهار مهاجرینو رییس له یادو مرستو مننه وکړه او ویې ویل، کندهار هغه ولایت ده، چې زیات مهاجرین ورته راستانه شوي او لا زیاتو مرستو ته اړتیا لري.
