د مهاجرینو او راستنېدونکو چارو په وزارت کې د نبوي سیرت ازموینه په لاره واچول شوه
د پیغمبر صلی الله علیه وسلم د سیرت ازموینه د مهاجرینو او راستنیدونکو چارو وزارت د معلوماتو او څیړنو ریاست له لوري د یو شمېر کارمندانو په ګډون ترسره شوه.
د وزارت د دعوت او ارشاد ریاست مدرس مفتي فریدالله حقاني په دې خپرونه کې وینا وکړه او ویې ویل: هغه څوک چې زه یې په اړه خبرې کوم په حقیقت کې حضرت محمد (ص) دی، هغه د د دوزخ له اور څخه د خپل امت د خلاصون لپاره خدای ته ډیرې زارۍ کړې، هغه (ص) د خپلې کورنۍ په پرتله له امت سره ډیره مینه درلوده، د خدای او د هغه د رسول مینه سره لازم او ملزوم دي .
مفتي حقاني وويل، د دې ډول ازموینو پيلول زموږ د پيغمبر(ص) د اخلاقو او ښه چلند ښودنه کوي.
د مهاجرینو له پاره د معلوماتو او څیړنو رئیس قاري صابرګل مصلح هم د پیغمبر صلی الله علیه وسلم سیرت د لوستلو او مطالعې پر اهمیت خبرې وکړې.
د اطلاعاتو اوعامه اړیکو ریاست د عامه اړیکو آمر عرفان همت ګډونوالو ته د ازموینې د ورکولو او اخیستلو د څرنګوالي په اړه معلومات ورکړل او زیاته یې کړه: د دې ازموینو ګټونکو ته جایزې او ډالۍ هم په پام کې نیول شوي دي.
د دې سیالیو د ترسره کولو موخه د اسلام د ستر پیغمبر (ص) د ژوند په اړه د لا زیاتو معلوماتو ترلاسه کول دي.
