د کډوالو چارو وزير دافغانستان په استازيتوب دجنايت دمنعې او جزايي عدالت په نړيوال کنفرانس کې ګډون وکړه
د افغانستان يوه لوړپوړي پلاوي د سيد حسين عالمي بلخي ترمشرۍ لاندې دجنايت او جزايي عدالت دکمېسيون په کلنۍ ناسته کې ګډون وکړ.
ددغې ناستې دپرانيستې پروګرام، چې د عويي دمياشتې په ۳۱مه ترسره شو پکې په اطريش کې دافغانستان لويې سفيرې اغلې خجيسته فناه ابراهيم خېل هم شتون درلود،چې د کډوالو چارو وزير پکې خبرې وکړې.
دکډوالو چارو وزير په خپلوخبروکې وويل، افغانستان د جنايت او جزايي عدالت څخه د مخنيوي او د فساد سره د مبارزې د نړيوالو تړونونو په پلي کولو کې پر فعالې برخې اخيستنې ټينګار وکړ.
بلخي وويل،د اقتصادي پرمختګونو سره په څنګ کې ترهغې چې د ترويزم مالي سرچينې له منځه يونه وړل شي، دوی له منځه نه ځي.
هغه زياته کړه وروستي ترهګريز بريدونه ښيي، چې تروريستي برېدونه جعرافيي، ديني او نژادي پولې نه پېژني، په تېر او اوس کې افغانستان دترهګرو سره دمبارزې په ميدان کې لويه قرباني ورکړې.
د هرې ورځې په تېرېدو سره زموږ بې ګناه وګړي دښځو او ماشومان په ګډون په تروريستي بريدونوکې خپل ژوند له لاسه ورکوي. دافغانستان لپاره له انساني قاچاقو سره مبارزه او همدارنګه دنړيوالو بشري قوانينو او دانساني حقوقو او عدالت برابروالی ډېر مهم دی او دتروريستي ډلو سره دمقابلې په برخه کې ټولو نړيوالو ژمنو ته ژمن او په دغه برخه کې قاطع مبارزه کوي.
په داسې حال کې چې د سازمان شوو جرمونو شبکې دکډوالو له ضعف څخه ګټه پورته کوي. افغانستان دکډوالو له انساني حقوقو څخه په ملاتړټينګار کوي او دکډوالو په برخه کې د نيويارک اعلاميې ته دنړيوالې ټولنې د زياتې پاملرنې غوښتونکی دی.
