د مهاجرینو چارو وزارت مسلکي مرستیال لوګر ولایت ته سفر وکړ
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد دیو پلاوي په مشرۍ،چې ور سره د داخلي بېځایه شوو وضعیت ته د رسېدو ریس مولوي سردار محمد شېرزاد هم ملتیاکوله لوګر ولایت ته سفر وکړ.
ښاغلي راشد د لوګر ولایت د مهاجرینو چارو آمریت کړنې وارزولې، په دغه ولایت کې یې د وروستیو سېلابونو له امله د زیانمنو شوو کورنیو سروې ګټوره وبلله او د دغه ولایت د مهاجرینو چارو آمر ته یې لار ښوونه وکړه، چې د مرستندویه بنسټونو مرستې دې د مهاجرینو چارو آمریت سره په همغږۍ ووېشل شي.
مسلکي مرستیال د مهاجرینو چارو آمريت مسؤلينو ته ډاډ ورکړ،چې په دغه ولایت کې به راستنېدونکو او بېځايه شو ته لاډېر خدمات وړاندې کړي.
هغه همدارنګه د یو شمېر راستنېدونکو او داخلي بېځایه شوو سره هم لیدنه وکړه او د اکرو موسسې له لورې (٢٥١) کورنیو ته چې کورونه یې ویجاړ شوي و د نغدي مرستو د وېش برنامې کې ګډون وکړ او یو شمېر کورنیو ته یې په خپل لاس نغدې مرستې ووېشلې.
