مهاجرینو وزارت او (OCHA) موسسې ترمنځ د همغږۍ ناسته وشوه
دغه ناسته د داخلي بېځایه شوو د رییس مولوي سردار شېراد، دیادې موسسې مرستیال محمدخاطر زید او افیسرې بیلي ګیتا چیو آلیمایو ترمېنځ د غويي په(٢١) مه ترسره شوه.
د دې ناستې موخه په راتلونکي کې د داخلي بې ځایه شوو د لېږد د څرنګوالي او په دې برخه کې د همکاریو په اړه د معلوماتو حاصلول و.
د داخلي بېځايه شوو رئيس مولوي سردار شېرزاد د مرستندویه بنسټونو د دوامداره همکاريو مننه وکړه ویې ویل: اوس وخت را رسېدلې چې د افغانستان د خلکو په ځانګړې توګه د ټولنې د زیانمنو شوو سره لا زیاته همکاري وشي او دغه وزارت هڅه کوي، تر څو په راتلونکي کې د پلان مطابق ټول داخلي بېځایه شوي خپلو اصلي سیمو ته ولېږدوي.
په ورته وخت کې د اوچا موسسې مرستیال په راتلونکي کې د بېځایه شوو د لېږد د بهیر په اړه له پوهېدو وروسته ټینګار وکړ چې د دوی د لېږد په برخه کې به له نورو بنسټونو سره په ګډه همغږۍ همکاري وکړي.
