په يونان کې دکډوالو چارو وزارت استازي، د اتن ښار د ماشومانو څارنوالۍ له مسئول سره د افغان کډوالو وضعيت ښه والي په اړه خبرې وکړې
په يونان کې د کډوالو او راستنېدونکو چارو وزارت د مېشت افغان کډوالو اتشه فيض الرحمن خدام د غبرګولي په ۲۴مه د اتن ښار د ماشومان د څارنوالۍ برخې له مسئولې آغلې نيکوالا سره په خپل کاري دفتر کې ليدنه وکړه او په دغه ښارکې يې د کډوالو د وضعيت د ښه والي په اړه خبرې اترې وکړې.
په دغه ليدنه کې د افغان کډوالو اتشې د مننې او قدرانۍ وروسته دماشومانو د منلو په اړه وويل،د ملي، نړيوالو،حکومتي او غيرې حکومتي بنسټونو سره ، چې د کډوالۍ په برخه کې کار کوي همغږي او دکډوالو ستونزو او غوښتونوته ګډه رسېدنه د اتشې د کار له لومړيتوبونوڅخه ده. په همدې موخه اتشه له ټولو اړوندو ادارو سره د ښو اړيکو لرلو هوډ لري.
اغلې نيکولا دکډوالو اتشې ته د آتن ښار د ماشومانو دڅارنوالۍ له لورې دهمکاريو ډاډ ورکړ او ددواړو لورو د ښو اړيکو غوښتونکې شوه.
