په هېواد کې د راستنېدونکو لويه څپه؛
په تېرې يوې مياشت کې نږدې سل زره افغان کډوال د ايران او پاکستان څخه هېواد ته راستانه شوي
په تېرې يوې مياشت کې دتلې د لومړۍ نېټې څخه تر ۳۰مې نېټې پورې ۹۶۸۳۵ تنه افغان کډوالو په خپله خوښه او جبري توګه د ايران او پاکستان څخه راستانه شوي،چې ۵۲۵۲۶ تنه په خپله خوښه او ۴۴۱۴۹ تنه يې په جبري توګه هېواد ته راستانه شوي، چې له ډلې يې ۹۶ تنه د کډوالۍ قانوني اسناد لري.
د کډوالو چارو وزارت د څانګو دمعلوماتو پر اساس د ايران څخه افغانستان ته د اسلام قلعه او ميلک له لارې ۹۵۷۰۰ تنه راستانه شوي،چې له دې جملې څخه ۵۸۲۲۳ تنه د اسلا قلعه او ۳۴۶۰۰ تنه د ميلک له لارې هېواد ته راستانه شوي.
په دې حساب ۵۱۷۷۶ تنه په خپله خوښه او ۴۳۷۶۴تنه په جبري توګه راشړل شوي دي.
سربېره پردې ۱۱۳۵ تنه د سپين بولدک له لارې د پاکستان څخه افغانستان ته راستانه شوي،چې ۳۸۵ تنه په جبري توګه او ۷۵۰تنه په خپله خوښه هېواد ته راستانه شوي دي.
په ورته وخت کې دکډوالۍ نړيوال سازمان (iom) اوخوراک نړيوال سازمان (wfp)په همغږۍ د نيمروز ولايت دکډوالو چارو رياست همکارۍ ۳ زره او ۴۹ تنو راستنېدونکو سره نغدي او دخوراکي موادو مرستې شوي.
د افغان راستنېدونکو شمېرې د تېرې مياشتې په پرتله خوار ډېرې شوي دي. تېره مياشت له ايران څخه د ټولو راستنېدونکو شمېر ۸۱۵۶۶ تنه و.
