مسلکي مرستيال په کابل کې د ترکيې سفير د مشاور له مرستيال سره ليدنه وکړه
د مهاجرينو چارو وزارت مسلکي مرستيال مولوي عبدالرحمن راشد په کابل کې د ترکيې د سفير له مرستيال عبدالله دندار او مل پلاوي سره د غبرګولي په ( ۱۸مه په خپل کاري دفتر کې ليدنه وکړه.
په دې ليدنه کې په کابل کې د لوی اختر په ورځو کې ( ۲) زرو کورنيو سره د مهاجرينو چارو وزارت له لارې د ترکيې هېواد د بشري مرستو په اړه خبرې وشوې.
مسلکي مرستيال د افغانستان او ترکيې هېواد دوستانه تاريخي اړېکو ته په اشاري سره په هغه هېواد کې د مېشتونو افغان مهاجرينو سره د دوی د همکاريو مننه وکړه او د مرستو د دوام غوښتنه يې وکړه.
په کابل کې د ترکيې د سفير مشاور عبدالله دندار وويل، افغان مهاجر زموږ ورونه دي او اوسمهال شاوخوا (۲۰۰) زره افغانان په قانوني توګه په ترکيې کې ژوند کوي، چې د اقتصاد، کرنې او ټيکنالوژۍ په برخه کې له موږ سره کار کوي.
ښاغلي راشد د ياد هېواد د همکاريو د مننې ترڅنګ وويل ، چې په ترکيې کې د افغان مهاجرو دستونزو د هواري په موخه بايد يوداسې ميکانيزم او کړنلاره رامنځ شي،چې د دواړو لوريو ترمنځ په هوکړې سره برابره او د مقابل لورې د تائيد وړ وګرځي.
په دې ليدنه کې د مذهبي چارو سلاکار عبدالقدير ريکر اوغلو او د ترکيې د سرې مياشتې رئيس فريد احمد ضيا هم شتون درلود.
