د کډوالو او بېرته راستنېدونکو چارو سرپرست وزېر محترم مولوي عبدالکبیر په خوست کې د ځدراڼو له یو شمېر قومي مشرانو او علماو سره وکتل.
د ځدرانو قومي مخورو او علمای کرامو په هېواد کې د اسلامي نظام د راتګ په برخه کې د اسلامي امارت د مشرانو هڅې وستایلې او ډاډ یې څرګند کړ چې په هر حالت کې به د حکومت تر څنګ ولاړ وي.
محترم مولوي عبدالکبیر په خوست کې له مېشتو ولسونو سره په لیدنو خوښي څرګنده کړه او وې وویل، چې افغان ولس د سپېڅلو موخو په لرلو سره دښمن له ماتې سره مخ کړ.
محترم وزېر زیاته کړه، چې افغانانو په سختو حالاتو او تش لاس د دین خدمت ته شا نه ده کړې او د کډوالۍ سربېره یې د جهاد فریضه ادا کړې ده.
د نوموړي په وینا چې اسلامي امارت د ولس قربانۍ نه هېروي او د شهیدانو له هیلو سره سم اشغال پای ته رسیدلی او اسلامي نظام حاکم دی.
