د پناه غوښتونکو مرستيال دننګرهار دمهاجرينو رياست څخه ليدنه وکړه
دمهاجرينو وزارت د پناه غوښتونکو مرستیال قاري محمود شاه او ورسره پلاوي د ننګرهار ولايت دمهاجرینو رئيس اکرام الدين مفتون او کارکوونکو سره ليدنه وکړه او ددغه رياست د کارکوونکو ستونزې او ننګونې يې واورېدې.
قاري محمود شاه او ورسره پلاوي راستنېدونکو او اړمنو بېځايه شوو ته د مرستو دوېش په روڼتيا، په ښارګوټوکې د نمرو دغصب او د بېځايه شوو په برخه کې د هر راز همکاريو ډاډ ورکړ.
د دغه سفر موخه د کډوالو په ښارګوټوکې د هغو نمرو دغصب مخنيوی دی، کوم چې په دغه ولايت کې مهاجرینو ته ځانګړې شوې وه. د پناه غوښتونکو مرستيال وويل: چې موږ به ډېر ژر د یوه ځانګړي کمیسیون له لوري هغه ځمکې له غصب پاکې کړو چې دمهاجرينو لپاره ځانګړې شوې وې.
Comment
Share
