د پاکستان الخدمت خېريه بنسټ له لوري په پکتيکا ولايت کې اړمنو او بېځايه شويو کورنيو سره د خوراکي توکو مرسته وشوه
1400کال, تلې، 18مه،کابل،پکتیکا
د پاکستان هېواد، الخدمت خېريه بنسټ له لوري د(124) ټنه په ارزښت د (2100) بې ځایه شویو او اړمنو کورنیو لپاره د خوراکي توکو مرسته د کډوالو او راستنېدونکو چارو وزارت پلاوي په شتون کې د پکتيکا ولايتي چارواکو ته وسپارل شوه.
د دغه خوراکي توکو د سپارلو په مراسمو کې د کډوالو او راستنېدوکو چارو وزارت د داخلي بې ځایه شویو رئیس حاجي سردار محمد شېرزاد, په خپله خوښه راستنېدو چارو رئيس حاجي غلام نبي, د پکتیکا ولایت مرستيال مولوي حماس او امنیه قوماندان, الخدمت خېريه بنسټ استازو محمد وسیم، جلال شاه, فرهاد خلیل او د پاکستان هېواد سرحدي مسؤلینو ګډون درلود.
د غه ولايت ته د کډوالو او راستنېدونکو چارو وزارت لخوا لېږل شوي پلاوي په وینا، دغه مرستې به د سروې وروسته په دې ولایت کې بې ځایه شویو او اړمنو کورنیوته و ويشل شي.
