د مهاجرینو چارو وزیر د کابل ولایت د مهاجرینو ریاست څخه لیدنه وکړه
د مهاجرینو او راستنېدونکو چارو وزیر الحاج خلیل الرحمان حقاني د کابل ولایت د مهاجرینو چارو ریاست د کارونو د ارزونې په موخه له دغه ریاست څخه لیدنه وکړه
ښاغلي حقاني د اسنادو او عرایضو له کتنې وروسته د ټولو کارمندانو ستونزې او کاري راپورونه واورېدل، د ستونزو د هواري او کمبوتاتو د پوره کولو ډاډ یې ورکړ او لازمې سپارښتنې یې ورته وکړې
نوموړي وویل، مهاجرین او بېځایه شوي ډېره مظلومه طبقه ده، ددوی خدمت باید ډېر په ویاړ، پاک نیت، عزم او اخلاص سره وکړو
ښاغلي حقاني په کارونو کې له غفلت، خیانت، کبر غرور او له مراجعینو سره له ناوړه چلند څخه د ځان ساتنې او د اطاعت، نظافت، پنځه وخته لمانځه، ښو اخلاقو، په سروی او توزیع کې په شفافیت، مشوره او همغږۍ ټینګار وکړ
