د کډوالو او بېرته راستنېدونکو چارو وزیر محترم مولوي عبدالکبیر د کوچني اختر په دویمه ورځ له ګڼو امارتي مسوولینو، قومي مشرانو او ځوانانو سره وکتل.
په دې ناسته کې راغلو مېلمنو محترم مولوي عبدالکبیر ته د کوچني اختر مبارکي وویله او د اسلامي امارت له مسوولینو یې مننه وکړه چې د هېواد د پرمختګ او د هېوادوالو د سوکالۍ لپاره هلېځلې کوي.
هغوی وویل، د اسلامي امارت په راتګ سره په هېواد کې امنیتي وضعیت د ډاډ وړ دی، اقتصادي وضعیت ته په کتو په هېواد کې پر ګڼو اقتصادي پروژو کار پیل کړي دي.
مېلمنو وویل دا چې افغانان د روان کوچني اختر خوشحالۍ په ډاډه زړه سره لمانځي، دا د امنیت او ثبات برکت دی.
ورته مهال د کډوالو او بېرته راستنېدونکو چارو وزیر محترم مولوي عبدالکبیر راغلو مېلمنو ته د اختر مبارکۍ تر څنګ هغوی ته ښه راغلاست ووایه او د دوی راتګ یې ارزښتناک وباله.
نوموړي زیاته کړه چې د اسلامي امارت موخه د هېواد پرمختګ، د افغانانو سوکاله ژوند او د ټولو هېوادوالو هوساینه ده.
