د مهاجرینو او راستنېدونکو چارو وزیر د ناصرو قوم له مشرانو او سپین ږیرو سره ولیدل
نن سه شنبه د غبرګولي ( ٣١) مه د مهاجرینو او راستنېدونکو چارو وزیر ښاغلي خلیل الرحمن حقاني په خپل کاري دفتر کې د ولایتو د ناصرو قوم له مخورو مشرانو او سپین ږیرو سره ولیدل.
د لیدنې په پیل کې ګډونوالو خپل نظرونه او وړاندیزونه د مهاجرینو او راستنېدونکو چارو له وزیر سره شریک کړل.
ښاغلي حقاني د ناصرو قوم د مهاجرینو د استازو او سپین ګیرو څخه مننه وکړه چې د مهاجرینو پروړاندې شته ستونزې او ننګونې یې له ده سره شریکې کړې او ډاډیې ورکړ چې، د ناصرو قوم په شمول ټولو راستنېدونکو، داخلي بېځایه شوو او اړمنو مستحقو کورنیو ستونزو ته به پر وخت رسیدګي وشي.
