معین مسلکی به سلسله سفرهایش، به ولایت پکتیکا سفر نمود
مولوی عبدالرحمن راشد، معین مسلکی وزارت امور مهاجرین و عودت کننده گان و رئیس کمیته اسکان موقت همراه با اعضای کمیته مذکور به ولایت پکتیکا سفر نمود.
آقای راشد با مسوولین کمیته اسکان ولایتی آن ولایت دیدار داشته و طرزالعمل کاری کمیته را به اعضای آن تشریح نمود.
مولوی حمدالله فاتح رئیس امور مهاجرین ولایت پکتیکا که در عین حال رئیس کمیته اسکان ولایتی نیز میباشد از کارکردش به معین مسلکی معلومات را شریک نموده و اضافه نمودند که در آینده مشترکا به مشکلات اسکان موقت در آن ولایت رسیده گی خواهند نمود.
هیأت در اخیر با مولوی مخدوم عبدالسلام سعادت معاون والی نیز نشست نموده و پیرامون موضوع بحث نمودند.
معاون والی و رئیس امور مهاجرین آن ولایت از سفر اعضای کمیته اسکان موقت در آن ولایت قدردانی کردند.
