د کډوالو او راستنېدونکو چارو سرپرست وزیر محترم مولوي عبدالکبیر د برېښنا شرکت عمومي رئیس ډاکتر عبدالباري عمر په ملتیا له درې تنو بهر میشو افغانانو سره وکتل.
دغو بهر میشتو وویل په افغانستان کې اړمنو افغانانو ته د مرستو په راټولولو، علمي او په ټولنیزو چارو کې کار کوي.
یادو میلمنو زیاته کړه چې په بهر کې استوګن افغانان په افغانستان کې پانګونې ته لېواله دي او غربي کمپنۍ هم غواړي چې په افغانستان کې کار وکړي او له شته فرصتونو ګټه پورته کړي.
دغو بهر میشتو هېوادوالو په افغانستان كې د برېښنا، کانونه، ښاري پراختیا او د ګرځندوی سکتور د ودې په حال کې وبلل او په وینا یې چې اسلامي امارت دې اروپايي وګړو ته د افغانستان د ویزې اخیستلو پروسه ساده کړي.
د ناستې پر دوام یادو کسان وړاندېز وکړ چې اسلامي امارت دې په هېواد کې د ظرفیت لوړولو په موخه د مسلکي کسانو له تجربو ګټه واخلي.
محترم مولوي عبدالکبیر راغلو میلمنو ته ښه راغلاست وویل او زیاته یې کړه چې افغانستان د افغانان شریک کور دی او د اسلامي امارت دروازې د ملت پر مخ پرانیستې دي.
محترم وزير زياته كړه چې اسلامي نظام د دښمنې فکر نه لري او هڅې کوي چې افغانستان په پښو ودریږي او ملت ته د ښه ژوند زمینه برابره کړي.
محترم وزیر څرګنده کړه چې اسلامي امارت له ولسونو سره په اړیکه کې دی له حکومت څخه د رضایت کچه لوړه شوې ده.
د ناستې په پای کې محترم وزیر شریک شوي وړاندېزونه مهم وبلل او زیاته یې کړه چې اسلامي امارت د خپلو چارو پر مخ بیولو لپاره د افغانانو مشورو ته لومړیتوب ورکوي.
